讲述：陈定法

记录：顾维男 忻 怡

有个人名叫阿六，每天要赌，老婆劝他勿要听。阿六赌得人勿像人，铜钿输光，生活懒做，屋里日脚难过。

一日，老婆又讲了：“阿六哎，我求求侬甭去赌了。”

阿六听得难听煞了，心忖想个办法堵堵老婆的嘴，免得她噜苏。他脑筋一动，讲：“我名字叫阿六，只要侬平日讲话勿带六字，我就勿再去赌。”

阿六老婆是个乖老婆，从这日起，果然她讲话勿带六，叫阿六称老头，阿六千方百计要难她也难勿到。阿六呒办法，只好熬牢勿赌。

一日，阿六碰到三个赌友，说是三缺一，要他一起去赌。阿六手痒痒，想赌，但是他想起与老婆打赌的事，就熬牢了；三个赌友听了，勿相信，阿六老婆有介乖，便商量了一个办法，要去难难阿六老婆。

这日，三个赌友来到阿六屋里，问：“喂，阿六在吗？”

阿六老婆一看，是老公的三个赌友，看见就头痛，勿客气地讲：“老头勿在，有啥事情，只管对我讲好了。”

三个赌友一听，唷！这女人是乖，勿叫阿六，叫老头，六字让她避过了。便接着讲：“侬同阿六讲，就说张老六、李大六、王小六来向他讨赌债，他欠阿拉六千六百六十六串钱，去年六月初六欠到今日，叫他还还清。”说完，走了。

三个赌友前脚刚出门，阿六后脚走进。老婆就对阿六讲了：“侬三个赌友来讨赌债了，一个叫张三，一个叫李铜柱，一个叫王二四，讲侬欠他们—万只剩三千三百三十四。”

阿六一听，嗨，她把顺话倒讲，心里蛮服贴，又故意问：“我啥时候欠其拉介多铜钿？ ”

“是去年黄狗、猫汏浴这一日。”

阿六忖，这老婆是聪明，心里又服贴又高兴，以后再也勿赌了。