讲述：陈定法

记录：顾维男

有一光棍，在尼姑庵里做长工。庵里有个好看尼姑和香客偷生了一个儿子。尼姑生儿子，咋结煞？把小人弄死，罪过；养着，传出去难做人。尼姑忖来忖去呒法子，只好去求光棍帮忙，光棍良心蛮好，满口答应想办法把小人抱给人家去养。

光棍连夜把小人抱出，走了三十多里路，走到城门口。这时，天刚蒙蒙亮，有爿豆腐店刚刚开门。光棍走了一夜，脚骨走酸，肚皮饿瘪，便走进豆腐店里歇一歇，买碗豆腐脑充充饥。豆腐店老板娘看见光棍手里抱着个小毛头问：“客人，这是侬小人啊？”

光棍讲：“是啊，我有六个小人，屋里穷，养勿活，想把小人抱掉。”

老板娘心忖：我刚刚死了老公，呒没小人，要是抱个小人养养也勿错，老来也有个依靠，忙抱过小毛头一看，相貌蛮好。心里交关欢喜，便问了光棍的姓名和住址，还给光棍五十元钱，把小人留下了。

几年过去，小人大了，生得交关聪明，读书也交关用功，老板娘待小囝也交关好。就是有桩事情，使小囝勿称心，小囝在学堂里读书，老是受学生囝的欺侮，统要骂他野种。

一日，小囝读书回来问老板娘：“娘，我阿爹到底在啥地方？”阿娘起先讲死了，小囝勿相信，后来看看小囝介伤心，就把事情原原本本讲给小囝听。小囝也就勿哭了。

小囝十八岁这年，进京赴考。一考，考中头名状元。小囝中状元，就忖起亲阿爹来了。喜报要报二张，一张报到豆腐店，一张报到光棍屋里。状元呒没到，当差先到光棍屋里来报喜。村里人一听，统统稀奇煞，光棍从来没抬过老婆，哪里来的儿子，奔拢来看热闹的人交交关；光棍心里有数，这个状元一定是十八年前尼姑的私生子，当时我在豆腐店讲了一句乱话，老板娘却当真了，但转念一忖，也好，自己年纪大了，还呒没小人，送上门来的状元儿子有啥勿好。

没过几日，旗锣开道，状元爷到！光棍连忙把状元接进屋里，认了儿子。光棍和状元儿子正在高高兴兴的讲话，突然门外冲进一个人，啥人？是尼姑。尼姑那年把亲生儿子交给光棍后，每日眼泪流流，交关记得，今日听人讲，有个十八岁的新科状元，来认光棍做阿爹。她忖来忖去，这个状元，一定是她十八年前的亲生儿子，她再勿顾面子了，便奔到光棍屋里来看儿子了。

光棍一看尼姑来了，心里一惊，要是尼姑勿管三七二十一，把老底讲穿，叫状元咋下台！灵机一动，把尼姑拖到后间，故意大声骂：“我叫侬吃苦，侬吃勿起，宁愿削发做尼姑，逼得我只好把儿子抱掉，现在儿子考上状元了，侬又要来认我做亲夫。”脫落鞋假装要打尼姑。状元在前间一听，晓得尼姑是自己的亲娘，就推门进后间，劝阿爹勿要打阿娘，抱掉的事也勿怪阿爹，光棍这才息手。状元又劝阿娘甭再做尼姑了，和阿爹好好过日子。尼姑忖忖，讲出真情要触霉头，还是将错就错，要认儿子，还得先认这个光棍老公。光棍忖忖蛮髙兴，一歇功夫，老婆儿子统有了。