讲述：陈定法

记录：顾维男

田鸡和乌贼本来是好朋友，都生活在海里。田鸡有喷墨的法宝，碰到大鱼，呼一喷，趁大鱼看勿清楚的辰光好逃命。乌贼有两根长须，遇到水急浪高，用须一戳，像船抛锚，好保牢性命。

有次，乌贼向田鸡借喷墨法宝。田鸡想：好朋友要借嘛，总得借！乌贼借来一甩，哎！交关灵。碰到大鱼一喷，四周墨漆黑，就好趁机逃命。后来，田鸡要乌贼还法宝，乌贼勿肯。田鸡看在好朋友份上，对乌贼讲：“乌贼哎，喷墨法宝侬勿还也算了，要是遇到水急危险辰光，侬要借一根须给我抛抛锚。”乌贼—口答应。

这日，真的碰到水急浪高了，乌贼把两根须稳稳抛在海底。田鸡一看，讲了：“乌贼哎，浪介大，水介意，快借根须给我吧！”

乌贼讲：“田鸡哎！我自己性命都保勿牢，咋好借给侬。”

田鸡借勿到长须，被急浪冲走了，在旋涡里翻，在礁石上撞，弄得半死勿活地总算爬上了岸。

田鸡真气煞。从此，就蹲在岸上生活了。为了报复，一看见乌贼来了，田鸡就叫：“快抲，快抲！”直到现在，乌贼汛一到，田鸡就叫，田鸡叫得越响，乌贼也发得越旺。