■讲述：袁阿来

■记录：叶焕然

有一户人家，家里有个儿子，—个囡。囡大了要出嫁，儿子大了要读书。主人家请来一个教书先生教儿子读书，请来一个木匠师傅、一个裁缝师傅为阿囡做嫁妆。到了年底， 教书先生、裁缝、木匠三人要回屋里去过年，主人家交关客气，办了一桌酒给三人送行。

教书先生走拢一看，认为自己是有文才的读书人，今朝主人办酒，请的是我教书先生，侬这种做粗活的木匠、裁缝是趁机揩油，他讲了：“今朝主人请客，阿拉同桌坐拢蛮难得，还是先做诗对课后吃酒，做出有吃，做勿出呒没吃！” 接着，他就摇头晃脑的念了起来：

宝盖下头官家客，

鸟字旁边鸡鹅鸭，

没有堂上官家客，

难吃满桌鸡鹅鸭。

裁缝一听交关勿高兴，小姐出嫁，要做嫁衣，少勿了我裁缝，咋话是揩侬先生的油？所以他要讲讲明白：

女字旁边姑娘嫂，

衣字旁边裤裙袄，

呒我缝成裤裙袄，

难嫁小姐姑娘嫂。

木匠师傅肚里气臌臌，听裁缝讲完，他也勿客气念了四句：

木字旁边栏栅楼，

一撇带头先生牛，

呒我造起栏栅楼，

难关堂上先生牛。

教书先生让裁缝、木匠讲得闷声勿响。主人家一看，苗头勿像，赶紧给三人斟满一杯酒，打了个圆场：“青菜淡饭统是青，请侬先生、师傅自家人，呒没好菜莫见怪，一杯水酒来送行。”